උපරිමයට සෘණ වෙච්ච
බැංකු ගිණුමේ කොල පෙන්නාල
ලොකු මහත්තැන්ලගෙ අතේ නිතර ගැවසෙන
ණය පතක් ගත්තා මං
කෙල්ලට, ඩොමිනෝස් ඇට් යුනියන් ප්ලේස්
ඉන් පස්සෙ යාලුවො
හිගණ ණය පත බිල් ගෙවමින් යයි
අම්ම හැමදාම කඩේ යනවාට
දවසකට සීයක් දෙසීයක් අතේ නැති හන්දම
අද ණයට ගත්තාට ගෙවන්නට කල් තියෙන
කාඩ් එක
මුල් වුනා
හැමදාම සීයක් දෙසීයක් ගත්තු
අල පරිප්පු සීනි හෙම
කරත්තේ පිරවෙද්දි- ඒක මරු හැගීමක්
අෑත මං බඩු ගනිද්දි
මුණ ගැහුනු හිතවතියකට
ආං මගෙ ලොකු පුතා
උජාරුවෙන් කියනකොට
මට සතුට හම්බුනා
No comments:
Post a Comment