සල්ලි

මං මීට ගොඩක් කාලෙක ට කලින් හිතපු දෙයක් තමයි මුදල් කියන්නෙ අංක එක කියල.බොහෝ අය මගේ මතේට විරුද්දව අදහස් දැක්වීමත්,හැසිරීමෙන් මුදල් කියන්නෙ තවත් එක් දෙයක් විතරයි කියල මට ඒත්තු ගන්නන්න කටයුතු කරපු නිසා මුලින් කිවුව මගේ අදහස යටපත් උනා.ඒ අදහස මගේ හිතට එන්නෙ අහම්බෙකින් නෙවෙයි.මගෙම අත්දැකීම් නිසා දැනුනු දේවල්.මේ වෙද්දි යම් පදනමක් ඇති කරන් හිටියත් මීට අවුරුදු 15කට විතර කලින් අත්වින්දෙ මීට බොහොම අමාරු ජීවිතයක්.ඒ තත්වෙ නිසාම බොහෝ තැන් වලින් මාව ප්‍රතික්ෂේප උනා.දැන් ඉස් මුදුනින් පිලිගන්න තැන් වලින් පවා.එහෙම තැන් වලින් ප්‍රතික්ෂේප වෙන්න මූලිකම හේතුව මුදල්!
             
                ඉතිං මං මුදල් හොයන්නෙ කොහොමද කියල උනන්දු උනා.කාලෙ වැරද්දද මගේ වැරද්දද කියල තවම දන්නෙ නැති උනත් ඒ උත්සාහ කරපු හැම එකක්ම ලේසියි වගේ පිටට පේන අති දුෂ්කර මාර්ග.මං ඒවයින් අසාර්ථකයි.හැම වෙලේම ලගින් ඉන්න හිතවත්තු නිසා කොන්ද කෙලින් තියාගන්න පදනමක් හැදෙන්නෙ ඒ අසාර්ථක උත්සාහ වලින් පස්සෙ.බොහෝ දුර ගමකින් පස්සෙ ආයෙමත් පරණ  අදහස මගේ ඔලුවට එනව.ඒ අත්දැකීම් මහ ගොඩක් ලැබුණටත් පස්සෙ.ලගින්ම ඉන්නව කියල හිතං  හිටපු අයගෙම හැසිරීම් නිසා මං ස්ථිර කරනව.සල්ලි අංක එක!!!

මිනිස්සු

මිනිස්සුන්ට ඔිනි කරන්නෙ මිනිස්සු.
ප්‍රශ්න අඩු වෙලාවට වඩා ප්‍රශ්න වැඩි වෙලාවට ඕනි කරන්නෙ අවංක මිනිස්සු.
කෝටියක් ප්‍රශ්න එක්ක පිච්චි පිච්චි ජීවත් වෙන මිනිහෙක්ගෙ ලහින් ඉදන් එයාගෙ කතාව අහන් ඉන්න පුලුවන් නම් ඒක මහා පිංකමක්.ප්‍රශ්න නිසාම කන්න බැරිවෙන, නිදිමත තිබ්බත් නිදාගන්න බැරිවෙන මිනිස්සුන්ට ලගම ඉන්න අයගෙන් ලැබෙන ආදරය, පිලිගැනීම ඒ අය සැහැල්ලු කරන්න තියෙන හොදම බෙහෙත.පිලිගන්න, සිය දිවි හානි කරගන්න උත්සාහ කරන අය කොයි තරම් අසරණ ද කියල.ප්‍රශ්න වල ජීවත් වෙන මිනිස්සුන්ට උත්තර පේන්නෙ නෑ.ඒව පේන්නෙ පිටින් බලන අයට..එහෙම ලගින් නොසිටින තරමට සිය දිවි හානිකර ගැනීම,මිනිස්සු මානසික ව්‍යාධි වලට ලක් වීම නතර කරන්න බැරි දෙයක්