මේ රට යන්නෙ වැරදි පාරෙ කියල අමුතුවෙන් කියන්න ඕනි නෑනෙ.උගත්තු පත් කරන්න කියල මී හරක් සෙට් එකක් ඡන්දෙට ඉදිරිපත් කරන රටක, එපා කියල පැත්තකට කරන එවුන්වත් ජාතික ලැයිස්තුවෙන් පාර්ලිමේන්තු ගෙනියන රටක මැජික් බලාපොරොත්තු වෙලා වැඩක් නෑ... අපි ආසයි දියුණු රටක වගේ පිලිවෙලට ජීවත් වෙන්න.හැබැයි ඒක බැරි නම් උත්සාහ කරල හදා ගන්න ඕනි අපිමයි නේද? බලපෑම් කරන්න ඕනි, ගොනු වෙන්න ඕනි අපිමයි නේද?
එතකොට ලැබිච්ච පලවෙනි අවස්ථාවෙන්ම වෙන රටකට ගිහින් ජීවත් වෙන, පුරවැසිකම ගන්න උවමනාවට මේකෙ යුද්ධෙ තිබ්බ නම් හොදයි කියල ප්‍රාර්ථනා කරපු උකන්නලට මේක හරි පාරෙ යවාගන්න අපිට නැති රුදාවක් හැදෙන්නෙ ඇයි?
උන්ට මේකෙ මුදුන් මුල තියෙනව කියන එක මං නෑ කියනව නෙවෙයි.හැබැයි කොහේ හරි රටක පුරවැසිකම ගන්නෙ ඉතුරු වෙන එවුන්ට හෙණ ගැහුනත් කමක් නෑ මං ගොඩ ගියානම් කියන මමත්වයෙන්නෙ.ඉතිං ගිය ලබ්බකට වෙලා ඉන්නෙ නැතුව අහවල් එහෙකට අපේ රෙද්ද අස්සෙ රිංගන්න එනවද කියල මං දන්නෙ නෑ... ඒ ඔක්කොටම මේක නිවාඩුවට ආතල් එකක් ගන්න හොද අවස්ථාවක් වගේ.. අමාරුවෙන් හම්බකරගත්තු ඩොලර් ටිකටත් මේ දවස් වල අපමණ අගයක් ලැබෙන නිසා තවත් වාසියි.
මේක එපා කියල මං ගියානං මටත් සීන් එක අදාලයි..
නිකමට හිතමු, ඇති හැකි, උගත් මිනිස්සු ඕක්කොම ලද අවස්ථාවෙන් වෙන රටකට පැනල පුරවැසියො උනා කියල..., එතකොට මේක ගිලෙන එක නතර වෙයිද? කවදාවත් නෑ.. උගත්තු, හඩක් තියෙන එවුන් මේකෙ නැතිවෙන තරමට පාලකයො කියල පක්ෂ දෙක තුනක් හදාගෙන දෙකෝටි විසි ලක්ෂෙකින් සුපිරි ආතල් එකක් ගන්න යාලුවො සෙට් එක හරි කැමතියි.
ඉතිං..., පැනල ගිහින් වෙන රටක පදිංචි වෙලා මේක කරගෙන යන්න ඕනි විදිය ගැන පොර ටෝක් දෙන මහප්‍රාණ ඩයලුයි ලව් කරන කෙල්ලට ගෙදරින් අකමැතියි කියල බෙල්ලෙ වැල දාගන්න ඩයලුයි අතර වෙනසක් පේනවද?
මේ රට අපේ නම් මේක වෙනස් කරන්න ඕනි අපිමයි..වෙන රටක පුරවැසියෙක් වෙලා ඉන්න,තමන් ගැන විතරක් හිතන හිවල්ලුන්ට වඩා තීරණ ගන්න අයිතිය තියෙන්නෙ අපිට.. ඕකුන්ගෙ පොර ටෝක් ටික නිවාඩුව ඉවර වෙනකන් විතරයි.ඊට පස්සෙත් යකඩ එක්ක හැපි හැපි වලලෙන්නෙ අපි විතරයි.. උන් ආයෙත් සමර් එකට ඇවිත් බලල යයි...
No comments:
Post a Comment